Vigtarpúkinn

Ég fór í gymmið í dag, tók 20 mín brennslu og svo lyftingar, var í klukkutíma og 3 korter í það heila og leið ekkert smá vel eftir á. Ég er voða forvitin núna að stíga á vigtina til að sjá hvernig gengur í tölum talið… en ég ætla ekki að gera það. Það er bara best að bíða fram á þriðjudag (einkaþjálfun) og svo miðvikudag (dagurinn sem ég næ 20 kg markmiðinu mínu ).

Ég er voða mikið með þetta (matarræði+rækt) á heilanum núna. Ég hugsa stanslaust um það hvernig ég á eftir að líta út þegar ég verð búin; hvernig andlitið verður,  hvað ég mun mjókka mikið, hvernig mér mun ganga að halda áfram að tóna mig til og blablabla. Ég er aftur komin með þennan kraft sem ég hafði þegar ég byrjaði en fjaraði út hjá mér þegar líða tók á veturinn. Ég held persónulega að hugsanirnar og löngunin skipti höfuðmáli. Ég er að drepast úr keppnisskapi þessa dagana. Þegar ég er í ræktinni líður mér eins og ég sé að springa úr orku og ekkert  nema hvetjandi hugsanir bergmála í höfðinu á mér. Eina leiðin til að lýsa því er.. já.. bullandi keppnisskap… *urr* :p

Ég er aftur orðin SANNFÆRÐ um að ég muni ná öllum þeim markmiðum sem ég hef set mér. Það eina sem aðskilur mig frá þeim líkama sem ég ætla mér, er tíminn, ekkert annað. Ef ég rek mig aftur á svona stöðnunartímabil eins og gerðist eftir jól þá mun ég bara halda áfram, og halda áfram, og halda áfram… af því á endanum gefur sig eitthvað og ég held áfram að léttast.

Í stað efans sem ég bar í brjósti  er komin tilhlökkun. Ég hlakka til að verða eins og ég hef alltaf óskað mér. Ég hlakka til að vera stolt af líkamanum mínum. Ég hlakka til að vera í geðveiku formi. Ég hlakka til að geta verslað föt og verið flott í þeim. Ég hlakka til að útskrifast úr DDV og skoða fyrir/eftir myndirnar mínar og ég hlakka til að vinna markvisst að því að halda mér í formi og njóta þess að vera í góðu formi það sem eftir er!

Að lokum: Fann magaæfingar á youtube sem ég ætla að bæta inn í prógrammið: Sjá hér