Laxarúlla

Efni
80 g reyktur lax í þunnum sneiðum
ca 100 g sýrður rjómi 10%
smátt söxuð fersk steinselja
smátt saxaður ferskur graslaukur
salt og pipar
grænt salat
ferskt dill
sítrónubátar
30 g heitt snittubrauð

Aðferð
Hrærið saman sýrða rjómanum ásamt steinselju og graslauk. Kryddið með salti og pipar eftir smekk. Leggið laxasneiðarnar á bökunarpappír og myndið ferning. Smyrjið þunnu lagi af sýrða rjómanum þar ofan á og rúllið varlega saman í rúllu. Setjið bökunarpappírinn utan um rúlluna, setjið í frystipoka og í frystinn í ca ½ klukkustund. Þegar rúllan er vel köld er auðvelt að skera hana í sneiðar. Skerið kalda rúlluna í sneiðar og leggið ofan á smátt skorið grænt salat. Skreytið með dilli og sítrónubátum og berið fram með heitu snittubrauði.

TIPS
Berið blandað salat fram með laxarúllunni.